Хуссар Ирыстоны паддзахадон университеты ахуырадон аз райдыдта кадджын мадзалæй

Хуссар Ирыстоны паддзахадон университеты ахуырадон аз райдыдта кадджын мадзалæй. Студенттæ æмæ ахуыргæнджытæ кæрæдзийы `хсæн ныхас кæнгæйæ цин кæнынц. Уæлдай æхсызгон бон рауад фыццаг курсы студенттæн. Хуымæтæджы нæ. Зонындзинæдты дунемæ сын уæлдæр ахуыргæнæндон йæ дуæрттæ байгом кодта фыццаг хатт. Уыимæ, ахуыры азы фыццаг бон ныр 15-æм хатт университеты райдайы минут æдзæм лæудæй. Уый та баст у Беслæны трагедийы цаутимæ. Бæлвырддæр радзурдзæн Брытъиаты Феликс. Тедеты Вадим йæхи æмæ ахуыргæнджыты номæй арфæ ракодта Хуссар Ирыстоны президент Бибылты Анатолийæн æмæ хицауадæн - Пухаты Эрик йæ сæргъы, афтæмæй. Рохуаты дзы нæ баззадысты Уæрæсейы Федерацийы минæвæрад Хуссар Ирыстоны, Тадтаты Алан йæ сæрдар, афтæмæй. Бузныджы ныхæстæ фехъуыста парламенты сæрдар Урыгаты Инал дæр. Университеты ректор куыд фæнысан кодта, афтæмæй уæлдæр ахуыргæнæндоны абитуриентты нымæцыл афæдзæй-афæдзмæ æфты. Уыимæ, йæ ныхæстæм гæсгæ ПТРК ИР-ы директор Челæхсаты Георгиимæ ног бадзырд фыст æрцыд, æмæ тагъд рæстæджы студенттæн университеты мидæг хи радио фæзындзæн. Паддзахады президент Бибылты Анатолий дæр студенттæн ног ахуыры азы фæдыл арфæ ракодта. Загъта сын, республикæйы фидæн уыдонæй аразгæ кæй у уый. Бафæдзæхста сын, зонындзинæдтæ исгæйæ сæ тых æмæ хъаруйыл куыд нæ ауæрдой, уый. Хуссар Ирыстоны Паддзахадон университеты студенттæ равдыстой сæ курдиат националон кæфтытæ æмæ зарджыты. Заргæ та кодтой алы æвзæгтыл. Бæрæгбоны кæронбæттæн «Промышленнон æмæ граждайнаг арæзтад»-ы факультеты студент хъæппæрисæй Бибылты Анатолий фидæны студенттæн бавæрдта ныстуанимæ капсулæ. Ныр уыцы капсулæ 30 азмæ æвæрд æрцæудзæн университеты музейы. Кадджын мадзалы фæстæ ахуыргæнджытæ æмæ студенттæ араст сты сæ аудиторитæм. Ног ахуыры аз райдыдта. Æхсызгонæй фæнысан кæнын хъæуы уый, æмæ фæстаг азты абитуриентты нымæц ацы ахуыргæнæндонмæ фылдæр кæй кæны. Се ‘хсæн арæхæй-арæхдæр фенæн ис фæсарæйнаг студентты дæр. Брытъиаты Феликс _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv