Василий Гогичашвилийæн кæндзысты тæрхон

Æрыдоны районы минæвæртты æмбырды раздæры депутат Василий Гогичашвилийæн кæндзысты тæрхон. Уый тыххæй хъусын кæнынц Цæгат Ирыстоны слестгæнæн комитетæй. Сгарæн мадзæлттæ кæронмæ æрхæццæ сты æмæ ныр уголовон хъуыдаг арвыстой тæрхондонмæ. Уым рахæсдзысты кæронбæттæн уынаффæ. Василий Гогичашвилийы аххосджын кæнынц, Уæрæсейы Уголовон Кодексы 119 статьяйы, 1-æм хаймæ гæсгæ - амарынæй æртхъирæн кæнын. Уый 6-æм мартъийы райсомæй æрбацыд Æрыдоны 4-æм скъоламæ, йæ хойы чызг кæм ахуыр кодта, уырдæм, æмæ йын йæ ахуыргæнæджы кухæй фæнадта. Слестгæнæн комитеты хъусынгæнинагмæ гæсгæ, нæлгоймаг ма йæ йæ дзыккутæй дæр фæралас-балас кодта. Уый фæстæ ма йæм скъолайы директоры къабинеты кардæй æвзидын райдыдта, амардзынæн дæ, зæгъгæ. Фæлæ йын директор ныхкъуырд радта. Василий Гогичашвили йæ азымыл нæ басаст. Хъуыддаджы фæдыл Слестгæнæн комитет сæххæст кодта æмбæлгæ мадзæлттæ. Аххосджын чи у æмæ йæ куыд бафхæрдзысты, уый рабæрæг кæндзæн тæрхондон. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv