Видеобастдзинады хуызы ацыд бæстæйы арæзтад æмæ ЦКХ министрады коллегийы æмбырд

Хицауады сæрдар Дзанайты Барис видеобастдзинады хуызы архайдта арæзтад æмæ цæрæнуæтты-коммуналон хæдзарады министрады коллегийы æмбырды. Амыдта йæ Уæрæсейы федерацийы хицауады сæрдары хæдивæг Марат Хуснуллин. Æмбырды архайдта премьер Михаил Мишустин. Дзуапдæттæг кусджытæн бабар кодта нæхи арæзтадон æрмæджыты кондад, уыимæ цæрæн хæдзæртты арæзтад фæфылдæр кæнын. Вице-премьер Марат Хуснуллины ныхæстæм гæсгæ, кæд экономикон уавæр сæ хæрзтæй нæу, уæддæр къабаз æвдисы хорз бæрæггæнæнтæ. Цæгат Ирыстоны арæзт цæуынц æнæниздзинад хъахъхъæнынад, спорт, культурæ æмæ туризмимæ баст ног объекттæ. Фарон кусын райдыдтой 4 проектыл, бахардз сыл кæндзысты 800 милуан сомы. Дзæуджыхъæуы инженерон æмæ социалон инфраструктурæйыл дæр 2024-2025 азты уæлæмхасæн хардзгонд æрцæудзæн 620 милуан сомы.