5 миллиард сомы хæс

Цæрæнуæтты коммуналон хæдзарады министрады хъусынгæнинагмæ гæсгæ нæ республикæйы цæрджытæ донæн, газæн æмæ электрон тыхæн хæс дарынц фондз миллиард сомы. Адæм коммуналон лæггæдтæн фиддонтæ афоныл куы нæ бафидой, уæд сæ бафхæрдзысты. Бахъæудзæн сæ ивар фидын. Ног домæнтæм гæсгæ æртæ мæйæ фылдæр чи нæ бафида, уыдонæн газ, дон кæнæ электрон тых ахуыссын кæндзысты. Цæрæнуæтты коммуналон хæдзарады министр Сохъуырты Альберт куыд загъта, афтæмæй стыр хæстæ къабазы куыст тынг къуылымпы кæнынц. Цæрæнуæттæ коммуналон хæдзарады министр Сохъуырты Альберт: «Республикæйы цæрджытæ куы нæ бамбарой, фиддонтæ афоныл фидын кæй хъæуы, уый, уыцы хъуыды сæм куы нæ фæзына, уæд нæ куыст рацаразын нæ бауыдзæн. Уый та расайдзæн уымæ æмæ адæм фæцух уыдзысты коммуналон лæггæдтæй. Зæгъын-ма хъæуы уый, æмæ Цæгат Кавказы доны фиддонтæ махæй къаддæр никуы сты». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv