Цæрджыты хорздзинадæн

Цыколайы бавнæлдтой æхсæнадон фæз цалцæг кæнынмæ. Районы сæйраг стадионы алфамблай рæхджы хъуамæ йæ хуыз скала. Ам байтаудзысты ног асфальт, сæвæрдзыысты дзы бырутæ æмæ дзы ныссаддзысты ног цырæгъты цæджындзтæ. Уæдæ ма дзы чысыл архитектурон нывæфтыдтæ дæр фенæн уыдзæн. Стыр куыст аразджытæ хъуамæ бакæной фæзы цъæх фæлыстыл. Ныссаддзысты дзы къутæртæ æмæ бæлæсты талатæ. Æмткæй райсгæй, амынд куыстытыл хъуамæ бахардз кæной 4 милуан сомы. 80-æм азты кæй сарæзтой, уыцы стадионы цурмæ-иу бынæттон цæрджытæ ныронг дæр æмбырд кодтой хи аирхæфсыны нысанимæ. Фæз йæ хуыз куы скала, уæд сын уыдзæн ноджы уарзондæр. Фæстæдæр ма ахæм куыстытæ хъуамæ райдайой культурæйы бынæттон галуанмæ `ввахс. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv