Новокуйбышевскæй альпинист фесæфт Хъазыбеджы хохмæ хизгæйæ. Ныртæккæ йæ агурынц Цæгат Ирыстойнаг ирвæзынгæнджытæ. Æнæнхъæлæджы уавæрты министрады республикон управлени куыд хъусын кæны, афтæмæй нæлгоймаг хохмæ цыд къордимæ. Хъуамæ ссыдаиккой 3 мин 500 метры бæрзæндмæ. Фæлæ уырдæм нал схæццæ ис. Йæ къордæй иу фæхабар кодта, се 'мбал кæй фесæфт, уый тыххæй. Куыд радзырдта, афтæмæй альпнист иннæтæй фæстæдæр аззад. Загъта йе 'мбæлттæн, уый фæстæ сæ кæй баййафдзæн, фæлæ сæм афтæ дæр нал бахæццæ. Æнæнхъæлæджы уавæрты министрады республикон управленийы ма куыд фехъусын кодтой, афтæмæй альпинисттæ уыдысты æртæйæ. Хохмæ схизыны размæ регистраци не скодтой.