Ивгъуыд азы хатдзæгтæ

Дзæуджыхъæуы ивгъуыд азы социалон-экономикон хатдзæгтыл ныхас кодтой республикæйы сæргълæууæг Битарты Вячеслав æмæ горæты администрацийы разамонæг Æлбегаты Барис. Фембæлды райдиан горæты мэр республикæйы сæргълæууæгæн радзырдта, афæдзы кæрон Дзæуджыхъæу Уæрæсейы национ символыл кæй банымадтой, уый тыххæй. Культурон æмæ историон нысаниуæг кæмæн ис, уыцы горæтты `хсæн конкурсы æппæты фылдæр хъæлæстæ радтой Дзæуджыхъуæн. Схъæлæс ыл кодтой 400 мин адæймагæй фылдæр. Горæты ма ныртæккæ цалцæг кæнынц Къостайы номыл сæйраг парк. Бахардз ыл кæндзысты 70 милуан сомы. Иу уыйбæрц та ма - ацы аз дæр. Куыстытæ фæуыдзысты 1-æм ноябрмæ. Ивгъуыд аз ма бынæттон администрацийы руаджы горæты рацарæзтой цæрæн хæдзæртты 36 кæрты. Фæндæгтæ цалцæггæнæн куыстытыл та бахардз кодтой 500 милуан сомы. Ацы аз уыцы хæстæн фæндæгты хæдзарад радих кæндзæн 600 милуан сомы. Уæлдай æргом аздахын хъæуы къахвæндæгты уавæрмæ - фæнысан кодта Битарты Вячеслав. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv