Хъæрмуд ахастытæн

Цæгат Ирыстоны фидæны азы национ политикæйы мадзæлттæ æндидзыныл бахардз кæндзысты 12 милуан соммæ `ввахс. Уыцы куыст кæндзысты национ ахастдзинæдтæ нывыл кæныны паддзахадон программæйы фæлгæты. Республикæйы национ ахастыты фæдыл хъуыддæгты министрады пресс-службæйæ куыд фехъусын кодтой, афтæмæй æхцайы фылдæр хай радих кæндзысты национ-культурон æхсæнадтæн. Ацы аз Нациты хъуыддæгты фæдыл федералон Агентад сразы нæ республикæйы курдиатимæ уыцы `хца райсыны тыххæй. Сæ бæрц ис æртыккаг бынаты. Цæгат Ирыстонæй фылдæр æхца райсдзысты æрмæстдæр Башкири æмæ Дагестан. Иннæ азтимæ абаргæйæ Цæгат Ирыстон райсдзæн æмбæрц фæрæзтæ. Нæ республикæйы министрады курдиатæн аргъ скодтой 76 баллы бæрц. Уый тыххæй ссис номхыгъды раздзæуæг. Ерыс уыдис тынг карз. Зæгъæм, 1 балл фæстæдæр Цæгат Ирæй фæцис Цæцæны Республикæ. Бафтаудзыстæм ма уый, æмæ æхца хардз кæндзысты национ-культурон æхсæнадты райрæзт æмæ, Уæрæсейы адæмты хæлардзинадыл чи архайы, уыцы æнæкоммерцион кусæндæтты ахадындзинадыл. Дзæвгар фæрæзтæй та спайда кæндзысты терроризм æмæ экстремизмы профилактикæйыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv