Сывæллæтты дзæбæхгæнæн мадзæлтты тыххæй æрдзырдтой сæрмагонд æмбырды

Сывæллæтты дзæбæх кæнынæн цавæр фадæттæ аразынц, уый тыххæй æрныхас кодтой ведомствоты хсæн къамисы сæрмагонд æмбырды. Разамынд ын лæвæрдта Хицауады сæрдары хæдивæг Азымты Иринæ. Архайдтой дзы фæллой æмæ социалон рæзты министр Хубаты Барис, спорты æмæ физкультурæйы министр Хуыгаты Алан, Фæсивæды хъуыддæгты фæдыл комитеты сæрдар Джусойты Руслан æмæ профилон уагдæтты кусджытæ. Фæллой æмæ социалон рæзты министры хæдивæг Мамайты Анжелæ куыд фæбæрг кодта, афтæмæй фæззыгон фæлладуадзæн бонты 6 мин сывæллонæй фылдæр уыдысты лагерты. Фæлтæр райдыдта 26-æм октыбры æмæ фæци 2-æм ноябры. Реабилитацион центр «Горный воздух»-мæ арвыстой 30 сывæллоны. 50 та социалон реабилитацийы центр «Доброе Сердце»-мæ. Йæ куыст кодта станаторий «Тæмискъ» дæр. Уыцы архайдæн хатдзæгтæ кæныны кæй хъæуы, уый ахсджиаг у, фæнысан кодтой къамисы уæнгтæ. Афтæмæй, дзæбæхгæнæнг лæггæдты хæрзхъæддзинад зынгæ хуыздæр кæны. Чи лæггад кæндзæн сабитæн, уый та æвзарынц конкурсмæ гæсгæ. 1-æм мартъимæ снысан кæндзысты хъæугæ документаци. 1-æм инюнмæ та 2020-æм азмæ, хъуамæ æппæт дзæьæхгæнæн уагдæттæ цæттæ уой сывæллæтты райсынмæ. Чи сæ кæсдзæн, хъомылгæнджытæй, уыдон та хъуамæ ацæуой уæдмæ дæсныйад бæрзонддæр кæныны ахуыртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv