Дзæуджыхъæуы Намысы аллейы æрымысыдысты йæ хæс æххæстгæнгæйæ чи фæмард, уыцы пъæлицæйæгты нæмттæ

Цæгат Ирыстоны мидхъуыддæгты министрады кусджытæ инæлар-лейтенант Михаил Скоков сæ сæргъы афтæмæй, æрымысыдысты йæ хæс æххæстгæнгæйæ чи фæмард, уыдоны нæмттæ. Дзæуджыхъæуы Намысы Мемориалы хъæбатырты номыл арæзт къулыл фыст ис 204 пъæлицæйаджы нæмтæ. Министрады кусджытæ ма бабæрæг кодтой чи фæмард уыцы пъæлицæйæгты ныййарджыты æмæ идæдз сылгоймæгты. Инæлар Скоков арфæ ракодта ныййарджытæн ахæм ныфсхаст хъæбулты кæй схъомыл кодтой. Фыдыбæстæйæн цы лæггад бакодтой уый рох никуы уыдзæн, фæнысан кодта министр. Æппæт мадзæлттæ дæр ацыдысты эпидемиолгон уавæр хынцгæйæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv