Ацы аз æгас республикæйы сцалцæг кодтой газы хæтæлты 20 километрæй фылдæр
Цалынмæ газы хæтæлтæн сæхи æвæрын райдайай, уæдмæ бирæ æндæр куыстытæ бакæнын хъæуы. Фыццаг проектон-хыгъдон гæххæттытæ саразын, дарддæр — геодезион иртæстытæ. Сбæрæг кæнын, зæронд хæтæл цас арф æвæрд у æмæ ма цавæр хызæгтæ цæуынц йæ цурты. Зæхх змисджын у æви дурджын, уый базонын. Æрмæст уый фæстæ райдайынц хæтæлтæ æвæрыны куыстытæ. Газы хæтæл ивынц промышленнон æдасдзинады экспертизæйы хатдзæгтæм гæсгæ. Æрмæст ацы аз æгас республикæйы сцалцæг кодтой хæтæлты 20 километрæй фылдæр. Уыдонæй 14 — Алагир, Горæтгæрон æмæ Кировы районты. Уæдæ Дзæуджыхъæуы 19-æм микрорайон дæр æнæхъæнæй ног хызæгтæм баиу кодтой. Сæ дæргъ у 4 километры бæрц. Ног хæтæл æвæрынц Гастеллойы уынгыл дæр. Цæмæй бирæфатерон хæдзæрттӕ газæй ма ахицæн кæной, уый тыххæй сæ æвæрынц зæронд хæтæлты фарсмæ. Куыддæр куыстытæ фæуой, афтæ цæрджытæм газ ног хæтæлтыл цæуын райдайдзæн. Сног кодтой Южныйæ Сырхгвардион хидмæ хай дæр. Уый у æгас горæт ифтонггæнæг 4 сæйраг хæтæлæй иу. Йæ дæргъ — 5 километры бæрц. Куыстытæм бавнæлдтой фарон. Хид кæм ис, уым куыст æндæрхуызон цæуы. Хæтæл цæудзæн йæ бынты. Уый тыххæй ам хъæуы ӕвӕрын ног конструкцитæ. Объект фæуынвæнд кæнынц 10 бонмæ. Бындурон цалцæг цæуы "Газпром Газораспределение Владикавказ"-ы фæрæзтæй. Хъармгæнæн рæстæгмæ цæттæдзинад у 90% бæрц. Хызæгтæ ног кæнгæйæ пайда кæнынц æндон хæтæлтæй дæр. Æмæ асæтгæйæ фæлæудзысты 50 азы онг. Бæрнон кусджытæ архайынц, цæмæй республикæйы цæрджытæ зымæгмӕ хъарм агъуыстыты уой.
Цалынмæ газы хæтæлтæн сæхи æвæрын райдайай, уæдмæ бирæ æндæр куыстытæ бакæнын хъæуы. Фыццаг проектон-хыгъдон гæххæттытæ саразын, дарддæр — геодезион иртæстытæ. Сбæрæг кæнын, зæронд хæтæл цас арф æвæрд у æмæ ма цавæр хызæгтæ цæуынц йæ цурты. Зæхх змисджын у æви дурджын, уый базонын. Æрмæст уый фæстæ райдайынц хæтæлтæ æвæрыны куыстытæ. Газы хæтæл ивынц промышленнон æдасдзинады экспертизæйы хатдзæгтæм гæсгæ. Æрмæст ацы аз æгас республикæйы сцалцæг кодтой хæтæлты 20 километрæй фылдæр. Уыдонæй 14 — Алагир, Горæтгæрон æмæ Кировы районты. Уæдæ Дзæуджыхъæуы 19-æм микрорайон дæр æнæхъæнæй ног хызæгтæм баиу кодтой. Сæ дæргъ у 4 километры бæрц. Ног хæтæл æвæрынц Гастеллойы уынгыл дæр. Цæмæй бирæфатерон хæдзæрттӕ газæй ма ахицæн кæной, уый тыххæй сæ æвæрынц зæронд хæтæлты фарсмæ. Куыддæр куыстытæ фæуой, афтæ цæрджытæм газ ног хæтæлтыл цæуын райдайдзæн. Сног кодтой Южныйæ Сырхгвардион хидмæ хай дæр. Уый у æгас горæт ифтонггæнæг 4 сæйраг хæтæлæй иу. Йæ дæргъ — 5 километры бæрц. Куыстытæм бавнæлдтой фарон. Хид кæм ис, уым куыст æндæрхуызон цæуы. Хæтæл цæудзæн йæ бынты. Уый тыххæй ам хъæуы ӕвӕрын ног конструкцитæ. Объект фæуынвæнд кæнынц 10 бонмæ. Бындурон цалцæг цæуы "Газпром Газораспределение Владикавказ"-ы фæрæзтæй. Хъармгæнæн рæстæгмæ цæттæдзинад у 90% бæрц. Хызæгтæ ног кæнгæйæ пайда кæнынц æндон хæтæлтæй дæр. Æмæ асæтгæйæ фæлæудзысты 50 азы онг. Бæрнон кусджытæ архайынц, цæмæй республикæйы цæрджытæ зымæгмӕ хъарм агъуыстыты уой.