Национ проекттæ куыд æххæстгонд цæуынц, ууыл дзырдтой Проектон офисы æмбырды

Дохтырты фæлтæрддзинад бæрзонддæр кæнын, диспансеризаци æмæ курдиатджын сывæллæттæн æмбæлгæ æххуыс. Ацы фарстатыл ныхас кодтой Проектон офисы мбырды. Разамынд ын лæвæрдта республикæйы сæргълæууæг Битарты Вячеслав. Æнæниздзинадхъахъæнынады программæйы фæлгæты, 9 дохтыры Цæгат Ирыстонæй ацæудзысты дæсныйад бæрзонддæр кæныны ахуыртæ Мæскуыйы æмæ Рязаны раззагдæр медицинон уагдæтты. Уый тыххæй ныридæгæн бафыстой сæрмагонд æмгуыстады бадзырд. Фыццаг фæнд кодтой ахуыртæм æрмæстдæр 8 дохтыры авитын, фæлæ стæй сæ нымæц фæфылдæр. Æмбырды ныхас кодтой тагъд Уæрæсейы цы диспансеризаци сараздзысты, уымæ цæттæдзинады тыххæй. Битарты Вячеславы ныхæстæм гæсгæ, нæ республикæйы медицинон уагдæттæ æххæст сты цæттæ уыцы профилактикон мадзæлттæ саразынмæ. Ныр ахсджиаг у - ацы хъуыддаг адæммæ фæхæццæ кæнын. Уый тыххæй Битарты Вячеслав бабар кодта æххæстгæнæн оргæнтæн бынæттон хицауады разамонджытимæ, уыимæ ма æхсæнадон организациты минæвæрттимæ, æмгуыст кæнын. Æмбырды ма ныхас кодтой Культурæйы программæйы тыххæй. Йæ фæлгæты æххуыс кæнынц курдиатджын сывæллæттæн. Программæйы разамонæг Атайты Мæдинæйы ныхæстæм гæсгæ, тагъд Аивæдты республикон лицейы бындурыл байгом кæндзысты ресурсон центр. Хъæугæ техникон ифтонгад æмæ фæлтæрдджын специалисттæ ис. Куыст цæуы хъæуты музыкалон æмæ сфæлдыстадон скъолаты ацы системæйы рæзтыл дæр. Лæмбынæг цæстдард хъæуы курдиатджын сывæллæтты ахуырадмæ. Битарты Вячеслав куыд фæнысан кодта, афтæмæй сын стипендитæ æмæ социалон æххуыс расыны тыххæй хъæуы фæкæсын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv