Цæгат Ирыстонмæ кусæг балцы ссыд Сергей Назаров. Уæрæсейы экономикон райрæзты министры хæдивæг бабæрæг кодта кондадон фæзуæттæ. Федта, нырыккон технологитæй куыд цæуы пайдагонд æмæ райрæзтæн цавæр гæнæнтæ ис, уый. Хъомысджын æмæ нырыккон, хуызджын металлургийы завод «Кристалл» сæндидзын кæнын бахъуыд ногæй. Æрхуыйы æнæтуаггуыр æрдæгфабрикаттæ уадзынц æрмæст ам, æндæр никуы æгас бæстæйы. Продукт у хæрзхъæд æмæ сыгъдæг. Ахæм кондады райрæзты гæнæнтæ егъау сты. Заводæн, уыцы тагъд кусгæйæ, йæ бон у тоннæгай сыгъдæг згъæр уадзын. Пайда кæнынц куыд нырыккон технологитæй, афтæ, мингай хæттыты кæй бафæлвæрдтой, ахæмтæй дæр. Бетон, стæй бетон æмæ æфсæйнагæй конструкциты завод. Ацы промышленнон фæзуат дæр ис бæстæйы экономикон райрæзты министры хæдивæг Сергей Назаровы кусæг балцы программæйы. Куыстуаты йын равдыстой, ног технологитæй æнтыстджынæй кæй пайда кæнынц, уый. Сергей Назаров фæбæрæг кодта, завод ацы куыст хъуамæ кӕй кæна дарддæр. Абон уал эксперименталон хуызы технологийæ спайда кодтой 30 коттеджы арæзтады.