2019-æм аз Хетæгкаты Къостайы райгуырдыл æххæст кæны 160 азы

2019-æм аз Хетæгкаты Къостайы райгуырдыл æххæст кæны 160 азы. Афæдзы дæргъы республикæйы уый кадæн бирæ алыхуызон мадзæлттæ арæзт цыдис. Сæйрагдæр бæрæгбон та уыдзæн къуыри фæстæ. Ирон литературæйы бындурæвæрæджы кадæн мадзæлттæ байгом сты Дзæуджыхъæуы базарадон-экономикон техникумы. Ацы бæстыхайы раздæр уыд Къоста кæм ахуыр кодта, уыцы прогимнази. Поэты ном æрхъуыды кодтой республикæйы национ чиныгдоны дæр. Къостайы номыл изæр ам сараздзысты сабаты. Уарзон фыссæджы æмдзæвгæтæ кæсдзæн Реуазты Данæ. Зæгъын хъæуы уый æмæ нывты блиц-конкурс дæр нырма кæй цæуы, уый. Йæ амидингæнæг фæсивæды æфсæддон-патриотон хъомылады центр. Конкурсы сæ курдиат æвдисынц 12 азæй 30 азы онг кæуыл цæуы, уыдон. Аивадон равдыстытæй уæлдай ма фенæн уыдзæн «Хетагуровских чтения»-йы мадзал. Уыимæ Вахтанговы номыл Уырыссаг театры аивадуарзджыты размæ рахæсдзысты спектакль «Фатимæ"». Бафтаудзыстæм ма уый æмæ социалон хызæгты арæзт конкурстæн æмæ студентты арæзт акцитæн уыдзæн сæхи ахадындзинад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv