Хуыздæрты сбæрæг кодтой

Нæ дарддæры æрмæг та Мæскуйæ у. Уым Уæрæсейы президенты цур Цæгат Ирыстоны минæварады Дзанайты Барис кадджын уавæры хорзæхджын кодта мæскуыйаг студентты, бæлвырддæр та - 8-æм æрвылазон Универсиадæйы призерты. Уæлахиздзауы ном райсыныл æппæт къæпхæнты дæр архайдта Адыгейы республикæйы фæсивæдон минæварад. Турниры хатдзæгтæм гæсгæ систы фыццæгтæ. Дыккаг бынаты аккаг сси Плехановы номыл Уæрæсейаг Экономикон университеты командæ. Æртыккаг бынат бацахстой Национ Иртасæн университеты Экономикæйы уæлдæр скъола. Хæрзиуджытæ сын радта Цæгат Ирыстоны æххæстбарджын минæвар Уæрæсейы президенты цур Дзанайты Барис. Алы командæйæн дæр радтой кубок, диплом æмæ зæрдылдарæн лæвар. Уымæй уæлдай ма Адыгейы минæвæрттæ райстой Стыр театрмæ экскурсимæ сертификат, Плехановы номыл университет ацæудзæн боулингмæ, Экономикæйы Уæлдæр Скъолайы студенттæм та æнхъæлмæ кæсы цымыдисаг квест. Уæлахиздзаутæн ма радтой сувениртæ ирон национ символикæимæ. Уæ зæрдыл уын æрлæууын кæндзыстæм, Ирыстонæй рацæугæ мæскуыйаг студентты `хсæн Универсиадæ арæзт цæуы алы аз дæр 2010-æм азæй фæстæмæ. Проект æххæст кæнгæйæ, лæппутæ æмæ чызджытæ архайынц алыхуызон спортивон æмæ интеллектуалон ерысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv