Цæгат Ирыстоны сывæллæтты реабилитацион центртæ ног сезонмæ цæттæ сты

Фæлладуадзæн лагертæ æмæ дзæбæхгæнæн санаторитæ ног сезонмæ цæттæ сты, æви нæ? Дзæуджыхъæуы сывæллæтты дзæбæхгæнæн центр «Горный воздух»-ы æппæт хъæугæ уавæртæ дæр ис. Хъæды, сывæллæттæн сæ бон у тезгъо кæнын, спорты алы хуызты хи фæлварын. Уыимæ ма сæ рæстæг хъæлдзæгæй æрвитын. «Тæмисчъы» центры та фæзынд ног фадæттæ - сынтæджытæ, хъазынæн уаттæ. Санитарон-эпидемиологон станцæйы æмæ æнæнхъæлæджы цауты министрады минæвæрттæ уыцы сæрмагонд бынæтты цæттæдзинад сбæрæг кодтой. Ацы корпус «Горный воздух», зæгъгæ, сывæллæтты дзæбæхгæнæн центры у. Ивгъуыд аз декабры бæстыхай бындуронæй сцалцæг кодтой. Сывæллæттæн дзы æппæт хъæугæ уавæртæ дæр сарæзтой. Хъазынæн уаты теннисы, хоккæйы стъæлттæ. Уыимæ ма дзы гæнæн ис змисæй ныв кæнынæн дæр. Компьютерты кълас дæр дзы ис. Сывæллæттимæ архайынц фæлтæрдджын специалисттæ. Ацы аз ма дзы фæзынд чиныгдон дæр. Чингуыты æмбырдгæдтæй сæ сифтонг кодтой Литературон музей æмæ Национ чиныгдон. Корпусы бынат ис 50 сывæллонæн. Амурхан Кусов, директор ГБУ РДРОЦ «Горный воздух»: «Тагъд рстæджы ам сывæллæттæн æгас цу, зæгъдзысты. Ныртæккæ республикæйы сæргълæууæг, уыимæ ма фæллой æмæ социалон райрæзты министрад æппæт хъæугæ мадзæлттæ дæр аразынц, цæмæй корпус сног кæной, æмæ дзы сывæллæттæн æрбацæуыны бар уа. Æппæт хъæугæ дзаумайæ дæр ифтонггонд у». Центр «Горный воздух»-ы фæзуат егъау у. Хъæды, сыгъдæг уæлдæфмæ сывæллæттæ тезгъо кæндзысты, сæхи фæлвардзысты спорты хуызты. Сæ рæстæг хъæлдзæгæй æрвитдзысты. Футболæй хъазынæн фæз дæр сын ис. Центры Разамынды фæндмæ гæсгæ ма дзы сараздзысты бадæн бынæттæ дæр. Алыхуызон ирд ахорæнтæй сæ сахордзысты. Уыимæ ма сараздзысты хъæрмаут дæр. Амурхан Кусов, директор ГБУ РДРОЦ «Горный воздух»: «Ацы аз сраздзыстæм хъæрмуат. Цæмæй сывæллæттæ фыдæбон кæнын ахуыр кæной. Уыдон сæхи къухтæй саддзысты халсартæ. Фæнды нæ цæмæй алцæмæдæр арæхсой. Хи къухæй цы сзайын кæнай, уый дæ тыллæг. Цы байтауай, уый æркæрдзынæ. Хъуысаты Амырханы ныхæстæм гæсгæ сывæллæтты фыццаг къордмæ центр цæттæ у 85%. Ам сæ рæстæг æрвитдзысты 7 азæй 14 азы онг кæуыл цæуы, уыцы скъоладзаутæ. Æрвылаз центры разамынд программæ цымыдисагдæр æмæ бирæвæрсыгдæр кæны. Амурхан Кусов, директор ГБУ РДРОЦ «Горный воздух»: «Фæнысан кæнынмæ фæнды, уый æмæ нæ центрмæ фæхонæм кадджын уазджыты дæр. Куыд æхсæнадон архайджыты, афтæ хицауады уæнгты дæр. Ахуыргæндты, историкты. Культурæйы минæвæртты. Сывæллæтты зонгæ кæнæм нæ традицитæ æмæ æгъдæуттимæ. Реабилитацион центр «Тæмисчъ»-ы та ис цымыдисаг бæстыхай. «Соляная пещера», зæгъгæ йæ хонынц. Уаты царыл æмæ къултыл ис цæхх. Бæрæггонд температурæйы æмæ уæлдæфы уымæлады, сывæллттæ сæхи фенкъарныц денджызы был. Ам фæсивæд вæййынц 30 минуты. Процедурæ хорзы `рдæм фæзыны улæфæнты æмæ рæуджыты низтæ кæмæ ис, уыцы сывæллæтты æнæниздзинадыл. «Тæмисчъ»-ы канд дзæбæх нæ кæнынц, уым ма сывæллæтты зонындзинæдтæ дæр бæрзонддæр кæнынц. Æрмадзты сабитæ сæхи къухæй æлыгæй аразынц хæдзары дзауматæ. Зарина Цагараева, директор ГБУ РДРЦ «ТАМИСК»: «Ацы стенды фæнысан кодтам 2019 азы куыстытæ. Сывæллæтты ног азмæ цæттæ кæнæм. Стыр æргом здахæм национ гербтæ æмæ сахæттæм. Уыдон сывæллæттæ сæхи къухæй кæнынц». Корпусты мебель ногæй баивтой. Ног сынтæджытæ. Алы уæладзыджы дæр хъазынæн уаттæ. Алы кары къордтæн дæр. Цæмæй сывæллæттæ æнкъард ма кæной, уый тыххæй ам алцыдæр ис. Стыр æргом аздæхтой дзæбæхгæнæн хæринагмæ дæр. Специалисттæ куыд зæгъынц, афтæмæй сывæллæттæн аходæн вæййы 5 хатты. Се `нæниздзинадæн пайда чи у, ахæм хæринæгтæ. Снысан сæ кодтой Уæрæсейы фæлхасгæнджытæм цæстдарды управлениимæ. Рационы- кæсаг, дзидза, халсартæ æмæ дыргътæ. Хæрæндоны кусæнгæрзтæ дзуапп дæттынц нырыккон домæнтæн. Æрæджы ма дзы адджинæгтæ кæм, кæнынц, ахæм цех дæр фæзынд. Сæвæрдтой дзы сæрмагонд пец. Уыцы иу рæстæг дзы сфыцæн ис 200 адджын гуылы. Реабилитацион центры директоры ныхæстæм гæсгæ «Тамискъ» цæттæ у ног сезонмæ. 3 -æм февралы нæ центр йæ дуæрттæ байгом кæндзæн сывæллæттæн. Ацы аз фæнд кæнæн мин æмæ рдæг сабиты æнæниздзинад фæхъæддыхдæр кæнын. Се хсæн йе `нæниздзинад хъыгдард кæмæн у, ахæм фæсивæд. Уыимæ ма æххуысцух бинонты хсæн чи хъомыл кæны, ахæмтæ. Уæлдай æргом аздæхтам æдасдзинады æмæ зынгсирвæзты ныхмæ домæнтæм. Республикæйы фæллой æмæ социалон райрæзты министрады куыд радзырдтой, афтæмæй æппæт дзæбæхгæнæн центртæ æппынæдзух бæрæг кæны сæрмагонд къамис. Ахæм уагдæттæ республикæйы с 167. Басгæрстой се ппæты дæр. Фæтк дзы халд не `рцыд. Фыццаджыдæр `ргом здахынц æххуысцух æмæ æнæ ныййарджытæй чи хъомыл кæны, уыимæ ма йе `нæниздзинад хъыгдард кæмæн у, уыцы сывæллæттæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv