Дзанайты Барисæн уыд кусæг фембæлд Сырх Дзуары минæвæрттимæ

Хицауады сæрдар Дзанайты Барис фембæлд Уæрæсейы Сырх Дзуары сæрдар Павел Савчукимæ. Æмбырды архайдта вице-премьер Александр Реутов æмæ организацийы регионалон хайады сæрдар Хъуысаты Иринæ. Сырх Дзуары размæ вазыгджын хæс æвæрд ис. Йæ хæрзаудæн историйыл цæуы 155 азы. Бархионтæ æмæ активисттæ æххуыс кæнынц фæкæсинаг æмæ зын уавæры чи бахауд, уыцы адæмæн. Хицауадимæ æмгуыст кæнгæйæ ахадынц социалон къабаз æмæ æнæниздзинад хъахъхъæнынады къабазыл. Премьер-министр зæрдæ бавæрдта, организацийы программæтæ æххæст кæныны хъуыддаджы республикæ дарддæр дæр кæй æххуыс кæндзæн, уымæй.