Тускъаты Таймураз фембæлд аххуысхъуаг уæрджытимæ

Афтекты инсулин цæуыннæ ис, йе `нæниздзинад хъыгдард кæмæн у, уыцы сывæллæттæм æхцайæ куыд фæкæсæн ис, сæ цæрыны уавæртæ фæхуыздæр кæнынæн сертификаттæ райсын кæмæн æмбæлы? Ацы æмæ æндæр фарстатыл дзырдтой, хицауады сæрдар Тускъаты Таймуразимæ фембæлдмæ чи æрбацыд, уыцы адæм. Премьер-министрмæ æххуысагур сæмбæлдысты 10 адæймаджы. Елхъанаты Эльмирæ куыд радзырдта, афтæмæй йæ бон нæу инсулин райсын. Уымæй уæлдай йæм туджы сæкæры бæрц сбæрæг кæнынæн сæрмагонд кусæнгарз дæр нæй. Роберт Агаджановы та хъæуы цæстыты низтæ дзæбæхгæнæг дохтыры æххуыс. Дигорайаг Газалты Маринæ ракуырдта йæ сывæллоны цæстæн операци скæнынæн баххуыс кæнын. Хъуыддаг афтæ у, æмæ операцийы фаг æхца ссардтой, фæлæ сывæллоны æндæр регионмæ аласынæн сæм фæндаггаг, стæй дзы цалдæр боны фæцæрынæн, фæрæзтæ нæй. Мэрико Болаташвили æмæ Сотаты Замирæйы та ныр сæ цæрыны уавæртæ фæхуыздæр кæнынæн сертификаттæ райсынæн рады лæууын нал бахъæудзæн. Тускъаты Таймураз сын баххуыс кæнынæй зæрдæ бавæрдта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv