Пайда рейд

Æнæнхъæлæджы уавæрты министрады кусджытæ сывæллæттæ æмæ сæ ныййарджытæн, æдасдзинады домæнтæ æххæст кæнын куыд ахсджиаг у, уый æмбарын кæнынц. Газы кусæнгæрзтимæ куыд архайгæ у, уый дæр сын бацамыдтой. Рейды рæстæг бабæрæг кодтой 5 бинонты, æнахъомты хъуыддæгты къамисы чи лæууы, уыдонæй. Специалистты информацимæ гæсгæ, æнæнхъæлæджы цаутæ арæхдæр æрцæуынц ахæм бинонты. Басгæрстытæ сарæзтой æппæтуæрæсеон акци «Безопасность детства»-йы фæлгæты. Алы бинонтæн дæр радтой информацион гæххæттытæ æмæ брошюрæтæ. Ис дзы, зынгсирвæзтыты ныхмæ æдасдзинады домæнтæ куыд хъæуы æххæст кæнын, уыцы уагæвæрдтæ фыст. Æнæнхъæлæджы уавæрты министрады куыд фехъусын кодтой, афтæмæй ма бабæрæг кæндзысты бирæ бинонтæ. Уыимæ, канд Дзæуджыхъæуы нæ, фæлæ æнæхъæн республикæйы дæр. Цæгат Ирыстоны сывæллæтты омбудсмены ныхæстæм гæсгæ, æнахъом сывæлæтты хыгъды ныридæгæн ис 400. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv