Ногæй та æхгæд

Базарадон центр «Столицæ» та ногæй сæхгæдтой. Уый тыххæй уынаффæ рахаста Дзæуджыхъæуы Советон тæрхондон. Уæ зæрдыл уын æрлæууын кæндзыстæм, ахæм уынаффæ рахастой къуырийы размæ. Центр сæхгæдтой, зынгсирвæзтытæй æдасдзинады домæнтæн дзуапп кæй нæ дæтты, уый аххосæй. Басгæрстыты рæстæг дзы рабæрæг кодтой бирæ закъонхæлдтытæ. Байгом æй кæндзысты, æппæт хъæндзинæдтæ куы аиуварс кæной, æрмæстдæр уæд. Амындзинæдты ныхмæ центр хи `гъдауæй йæ дуæрттæ бакодта. Фæлæ уый рæстæгмæ. Ногæй йæ сæхгæдтой. Æнæнхъæлæджы цауты министрады ныхæстæм гæсгæ, центры куысты аиппытæ чысыл не сты. Сæ аиуварс кæнынæн цас бахъæудзæн, уый бæлвырд нæма у. Не `ргом аздæхтам базарадон-ирхæфсæн центр «Столицæйы» разамындмæ дæр. Уыдоны амынд уавæры тыххæй сæ хъуыдытæ камерæмæ зæгъын нæ бафæндыд. Ацы хъуыддагмæ дарддæр дæр нæ хъус дардзыстæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv