Рахизфарсы районы сарæзтой профилактикон акци

Цæгат Ирыстоны паддзахадон автоинспекцийы кусджытæ Рахизфарсы районы сарæзтой профилактикон акци. Бархионтимæ фæндæгтыл скодтой сæрмагонд нысантæ. Акци арæзт æрцыд фистæгцæуджытæ кæм фæархайынц, ахæм фæндаггон фыдбылызтæ фæкъаддæр кæныны нысанимæ. Активисттæ ма уæлдай хатт бæлццæттæн сæ зæрдыл æрлæууын кодтой, фæндæгтыл цæугæйæ телефонтæй пайда кæнæн кæй нæй, уый. Уымæй уæлдай, фæндаджы сæрты хизгæйæ хистæртæ хъуамæ сывæллæттæн хæцой сæ къухтыл. Сæрмагонд нысантæ скодтой æппæтæй фылдæр змæлд кæм вæййы, фæндæгты уыцы уаццагтыл. Æрныхас кодтой фæсивæдимæ фæндагыл хи куыд дарын хъæуы фистæгæй цæугæйæ, стæй ма велосипедыл бадгæйæ дæр. Инспектортæ акодтой профилактикон ныхас. Равдыстой сын фæндаджы сæрты раст куыд хизын хъæуы. Уыимæ ма фæндаггон фыдбылызæй дæр хи хъахъхъæнын куыд хъæуы, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv