Æрыдоны фæзынд ног спортивон фæз

Уæдæ Æрыдоны гом арвы бын дæр спортивон фæзуат фæзынд. Уыцы иу рæстæг ам хи ирхæфсынæн фадат ис 20 адæймагæн. Уый тыххæй дзы фæзуат ифтонг у æппæт хъæугæ тренажертæй. Къухтæ, къæхтæ, фæсæттæ фидаргæнæн кусæнгарз. Баскетболæй хъазынæн дзы ис сæрмагонд фæз. Уæззæутæ исын кæй фæнды уыдоныл дæр ахъуыды кодтой. Иуæй-иу тренажертыл ис уæлæмхасæн уæзæгтæ æфтауын. Спортивон фæзуат байгом кодтой федералон проект «Спорт - норма жизни»-йы фæлгæты. Æхцайы фæрæзтæ радих кодтой федералон æмæ республикон бюджеттæй. Æрыдоны районы сæргълæууæджы хæдивæг Адырхаты Аланы ныхæстæм гæсгæ фæзуаты арæзтадмæ стыр бавæрæн бахаста республикæйы спорты министр Хуыгаты Алан. Ууыл куыст нæ æрлæудзæн. Программæ у тынг вазыгджын. Алы ног тренажер дæр у спортмæ ахадгæ бавæрæн. Уадз æмæ æрыгон фæлтæр се ’ргом фылдæр здахой æнæниз цардыуаг æмæ спортмæ . Мæнмæ гæсгæ уыцы фарстамæ фылдæр æргом здæхт цæудзæн дара. Зæрдæ дарæм хæстæгдæр рæстæг ма нæм ахæм спортивон фæзтæ кæй фæзындзæн, ууыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv