Хъармдæттæн организацитæ Дзæуджыхъæуы æмæ районты хъармгæнæн системæтæ дзаг кæнын райдыдтой донæй

Хъармдæттæн организацитæ Дзæуджыхъæуы æмæ районты хъармгæнæн системæтæ дзаг кæнын райдыдтой донæй, цæмæй сбæрæг кæной хæтæлты хъæндзинæдтæ. Ацы хъуыддаг хъæуы, цæмæй хъармгæнæн рæстæг фæткмæ гæсгæ райдайа. Профилон куыстуæтты специалисттæ бирæуæладзыгон хæдзæрттæ фæззыгон-зымæгон рæстæгмæ цæттæдзинад бæрæг кæнынц. 15 сентябрæй фæстæмæ басгæрстой сæдæ хæдзарæй фылдæр. Специалисттæ фылдæр æргом здахынц республикæйы æнæниздзинад хъахъхъæныны æмæ ахуырады къабæзты объекттæм. Дзæуджыхъæуы администрацийы цæрæнуæтты коммуналон хæдзарады комитеты разамонæг Хуасдзауты Маирбег куыстуат «Владикавказские тепловые сети»-йæн бабар кодта, цæмæй уæлдай æргом аздахой арæндонтæ æмæ сывæллæтты рæвдауæндæттæм.  Фæззыгон-зымæгон сезонмæ цæттæгæнæн мадзæлттæ ацыдысты 307 хъармгæнæны. Ныртæккæ æппæт куыстытæ дæр фесты нысангонд пъланмæ гæсгæ. Республикæ уазæлтты рæстæгмæ цæттæ у – уый тыххæй фехъусын кодта Цæгат Ирыстоны цæрæнуæтты коммуналон хæдзарад, артаг æмæ энергетикæйы министр Тамайты Майран. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv