Хорз чи нæ зыны, хæдтулгæты ахæм номырты тыххæй шофырты кæндзысты ивар

Хорз чи нæ зыны, хæдтулгæты ахæм номырты тыххæй шофырты кæндзысты ивар. Ахæм уынаффæ рахаста Уæрæсейы Сæйраг тæрхондоны пленум. Амынд дзы сты административон барадхæлдтыты кодексы 12-æм сæргонды хабæрттæ. Афтæмæй шофыр йæ хæдтудгæйы номыр барæй истæмæй куы бамбæрза, уæд дзы тæрхондон бадомдзæн ивар 5 мин сомы онг. Гæнæн ис, æмæ йын йæ шофыры бардæттæг гæххæттытæ дæр байсой. Æрмæст уæд, æмæ фæндаггон инспектор шофыры куы багæды кæна йæ номыртæ барæй бамбæхсыны хъуыддагæй. Кæд барады кусæгæн уый нæ бантыса, уæд ивары бæрц уыдзæн 500 сомы. Уымæй уæлдай ма Сæйраг тæрхондон фæнысан кодта хæдтулгæйыл ксенон цырæгътæ бакæныны фæтк дæр. Раздæр-иу уый тыххæй шофырæн байстой йæ гæххæттытæ, ныр æй кæндзысты ивар. Йæ бæрц - 500 сомы. Тæрхондоны уынаффæйы ма ис, æнæзакъонæй фæндаггæрон чи баурома, уыцы шофырты кой дæр. Хъуамæ сын фæндаг мачи дæтта, уымæн æмæ уыдон раст не сты. Фæнысан ма кæндзыстæм уый, æмæ уынаффæтæ сæ тыхы бацæудзысты, офицалон æгъдауæй сæ куы ныммыхуыр кæной, уæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv