Фæллойадон электрон чингуыты тыххæй закъоны проект бахастой Паддзахадон Думæмæ

Фæллой кæныны электрон æвдисæндартимæ закъоны проект бахастой Паддзахадон Думæмæ. 2021-æм азæй фæстæмæ сæ баивдзысты. Уый тыххæй раздæр фехъусын кодта агентад ТАСС. Куыстдæттæг организацитæн хъæудзæн Пенсийы фондмæ бæрæггæнæнтæ онлайн хуызы хæссын. Гæххæттимæ дарддæр кæй фæнда кусын, уыдон 2020-æм азы кæронмæ хъуамæ ныффысой курдиат. Бадæттын æй хъæудзæн, кусгæ кæм кæныс, уыцы организацимæ. Специалисттæ сидынц алкæмæ дæр, цæмæй фидæны спайда кæной ногдзинадæй. Уый дзæвгар фенцондæр кæндзæн куыст. Фæллой кæныны æвдисæндар куы фесæфа, уымæй йын тас нал уыдзæн - бахæсдзысты йæ электрон базæмæ. Куыстдæттæг компанитæн та сæ бон уыдзæн æппæт бæрæггæнæнтæ пенсион фондмæ æмæ электрон системæмæ дæр хæссын. Уымæй уæлдай ма 2028-æм азы фæзындзæн иу ногдзинад. Паспорттæ дæр уыдзысты электрон хуызы. Уæрæсейы хицауад нысан кæны 2 фæткы ныффидар кæнын: кæнæ пластикæй конд картæ, кæнæ та мобилон уæлæфтуаны хуызы. Уырдæм хаст æрцæудзысты паспорты бæрæггæнæнтæ æмæ электрон къухфыст. Ног электрон паспорттæ дæтдзысты 10 азы `мгъуыдмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv