Бæллицц сæххæст

Элизабет Лорн æмæ Еленæ Лебук райгуырдысты æмæ схъомыл сты Францийы. Сты зындгонд инæлартæ Аготы Владимир æмæ Константины хъæбулы хъæбултæ. Кæддæр Аготы Владимиры цардæмбал идæдзæй куы баззад, уæд Францимæ алыгъд. Бирæ азты дæргъы фæсарæнты фæцардис. Фæлæ йæ Фыдыбæстæйыл æнувыд уыд. Йæ кæстæрты нæ бауагъта уырыссаг æвзаг рох кæнын. Уыимæ ма сын дзырдта фыдæлты сгуыхтдзинæдты тыххæй. Кæстæртæ та бæллыдысты Ирыстонмæ ссæуынмæ. Бирæ азты фæстæ сæ къухы бафтыд. Хъыгагæн, Цæгат Ирыстоны сæ хæдзарвæндаджы хиуæттæй ничи уал ис. Фæлæ уæддæр сæ балцæй разыйæ баззадысты. Ирыстоны сæ зындгонд дадатæн сарæзтой мысæн изæр, уырдæм æрбацыдысты нациты `хсæн ахастдзинæдты министрады, республикон хæлардзинады хæдзары æмæ æхсæнад «Русь»-ы минæвæрттæ. Фембæлд рауад цымыдисаг, æрбацæуджытæн фæдат фæцис канд уадзжытимæ аныхас кæнынæн нæ, фæлæ ма Аготы хæстон æфсымæрты царды хабæрттæ базонынæн дæр. Еленæ Лебук: «Дзæуджыхъæуы æмæ Ирыстоны никуы уыдтæн.Уыдис хæст æмæ нын ардæм æрцæуынæн визæ райсын уыдис зын. Фæлæ ацы аз Элизабеттæн загътон, мах зæронд стæм, æмæ ныр куы нæ ацæуæм, уæд ардæм никуыуал æрцæудзыстæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv