Цæрæнуаты сертификатæй схорзæхджын кодтой Магомед Касумовы

Абон Дзæуджыхъæуы ахуыргæндты центры, Уæрæсейы академийы минæвæрттæ цæрæнуаты сертификатæй схорзæхджын кодтой физикон-математикон наукæты кандидат Магомед Касумовы. Фæстаг аз Магомед у æртыккаг æрыгон ахуыргонд, ахæм сертификат чи райста, уый. Магомед Касумов иртасы математикæйы ног формулæтæ. Сæрмагондæй кусы геологты æмæ IT -технологиты чи кусы уыдоны уаргъ фæрогдæр кæныныл. Ныртæккæ Магомед Касумов цæры йæ ныййарджытимæ æмæ бинонтимæ чысыл фатеры. Сертификаты руаджы ныр йæ цæрæнбынаты уавæртæ фæхуыздæр уыдзысты. Сертификат райсынæн æрыгон ахуыргондыл хъуамæ 35 азæй фылдæр ма цæуа, кæна æппынкъаддæр 5 азы иртасæн куыст, уыимæ ма хъуамæ уа наукæты кандидат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv