Сывæллæтты æдасдзинад

Чысыл пациенттæн тагъддæр æмæ хуыздæр медицинон æххуыс... Цæгат Ирыстоны фæзынд реанимобиль. Йæ руаджы сывæллæтæ цардхъомдæр уыдзысты. Машинæ къухы бафтыд нæ республикæй æнæниздзинад хъахъхъæнынады министрады æмæ федералон программæйы фæрцы. Нæ уацхæсджыты къорды уæнгтæ федтой тагъд æххуысы ног машинæ цавæр кусæнгæрзтæй ифтонг у, уый. Бакæсæм сæм. Ног машинæ тагъд æмæ адасæй бахæццæ кæндзæн ныййарæг æмæ йæ сабийы рынчындонмæ. Ноггуырд сывæллæтты, хъыгагæн, дохтырты æвæстиат æххуыс арæх бахъæуы. Æмæ цæмæй афоныл æмбæлгæ æххуыс райсой, уый тыххæй сæ медицинон уагдæттæм ласын хъæуы сæрмагонд машинæтыл. Ацы хæдтулгæтæ ифтонг сты алцæмæй дæр. Ис дзы сывæллæттæн сæрмагонд инкубатор, улæфæн аппарат,уыдонимæ ма сывæллонæн йæ цардæн цæмæй тæссаг ма уа , ахæм æндæр медицинон кусæнгæрзтæ. Ахæм машинæ нæ республикæйæн у тынг ахсджиаг. Æрмæст 2017 азы сывæллæтты реанимацион къорд 600- дæйæ фылдæр цыды ракодта нæ республикæйы арæндæттæм. Тынг ахсджиаг у ахæм машинæ нæм кæй фæзынд. Хорз у сæрмагонд инкубаторый кæй ис, уый æххуыс у гыццыл уæзимæ ноггуырдты нæ республикæйы арæндæттæй ласынмæ. Цæмæй хуымæтæг тагъд æххуысы машинæйæ ахæм рауайа, уый тыххæй бахъуыд 6 милуан сомы. Æхца куыд æмæ цæуыл бахардз кодтой, уый абон сбæлвырд кодта нæ республикæйы æнæниздзинады министр Михаил Ратманов. Ноггуырдты медицинон эвакуаци ацы машинæтыл дæр у зын æмæ тæссаг. Фæлæ мах дохтырты къух фæрогдæр кæндзыстæм, тæссагдзинæдтæ аиварс кæндзыстæм. Бацархайдзыстæм, цæмæй нæ чысыл рынчынтæ тагъддæр адзæбæх уой. Профилон министрады куыд фехъусын кодтой , афтæмæй ноггуырдæн æрмæст кусæнгæрзты руаджы баххуыс кæнæн нæй, Ахсджиаг сты сæ куыст хорз чи зоны, ахæм дохтырты. Нæ республикæйы сывæллæтты клиникон рынчындоны, ахæм дæсны специалисттæ кусынц 1996 азæй нырмæ. Æртæккæ ма цын æххуыс уыдзæн ацы ног реанимобиль дæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv