Кусын райдыдта ног дæлстанцæ "Ирыстон"

Æмбал кæмæн нæй, ахæм дæлстанцæ скуыста Джызæлы. Сарæзтой йæ "Россети"-йы инвестицион программæмæ гæсгæ. Хардзгонд ыл æрцыди 530 милуан сомæй фылдæр.  Уæрæсейы иннæ ахæм объекттимæ абаргæйæ, ацы дæлстанцæйы техникон хъомыс фылдæр у. Ифтонггонд у автоматикон системæйæ. Комкоммæ бастдзинадæй пайдагæнгæйæ йæ фæрцы цæстдарæн уыдзæн станцæйы куыстмæ, æмæ дзы æнæнхъæлæджы цауты рæстæг къуылымпыдзинæдтæ иуварс кæндзысты цæстыфæныкъуылдмæ. Куыстæн разамынд дæтдзысты ценртæй, уый руаджы дзы æндæр кусджыты æххуыс нал хъæудзæн. Бирæ технологитæй спайда кодтой фыццаг хатт. Дæстанцæ "Ирыстон" лæггад кæндзæн 8-æм, 17-æм, 18-æм, 31-æм æмæ 32-æм микрорайонтæн. Уым цæры 30 мин адæймагæй фылдæр. Фидæны объектæй электрон тых цæудзæн Ихы галуанмæ, Александр Невскийы аргъуанмæ æмæ, 32 мин бынаты кæм ис, уыцы стадионмæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv