Владимир Путины амынддзинæдтæ куыд æххæстгонд цæуынц, уый тыххӕй дзырдтой вице-премьер Æгъуызарты Мурат æмæ Цæгат Кавказы федералон зылды президенты æххæстбарджын минæвары æххуысгæнæг Сергей Никитин. Бæстæйы президенты размæвæрд хæстæ афоныл сæххæст кæнынæн, бæлвырддæр дзургæйæ та 2027-æм азмæ, уый тыххæй Цæгат Ирыстоны разамынд Росреестримæ иумæ снысан кодтой куыстытæ æххæст кæныны фæтк алы къабазæн дæр. Сергей Никитин куыд бафиппайдта, афтæмæй ныртæккæйы хатдзæгтæм гæсгæ республикæйы Президенты амынддзинæдтæ æххæст кæнынц фæткмæ гæсгæ, национ системæмæ муниципалон скондты арæнты тыххæй бæрæггæнæнтæ æххæстæй бахастой. Росреестры куысты æууæлты кой куы скæнæм, уæд нæ регион ис Цæгат Кæвказы раззагдæр субъектты 'хсæн.