Ирыстоны историйæ фыццаг олимпиадæ ацыд ахуырадон центр "Вершина"-йы

Ирыстоны историйæ фыццаг олимпиадæ ацыд ахуырадон центр "Вершина"-йы. Республикæйы алы районтæй 120 ахуырдзауы мадæлон æвзагыл дзуæппытæ лæвæрдтой тесты 50 хæслæвæрдæн. 9-æй 11-æм къласы ахуырдзаутæн фæрстытыл бакуыста историон наукæты доктор, ЦИПУ-йы истори æмæ археологийы институты директор Бзарты Руслан. Мадзалы сæйраг нысан – ирон æвзаджы райрæзт æмæ фæсивæды 'хсæн историйы парахат.