Ирыстойнаг «Гамид-Банк»-æн байстой йæ лицензи

Ирыстойнаг «Гамид-Банк»-æн - Дагестаны финансон куыстуат «Эльбины» филиалтæй иуæн - байстой йæ лицензи. Уый тыххæй хъусын кæнынц адæмы æвæрæнты хъахъхъæныны агентады официалон сайты. Куыстуат ахста банкты хыгъды 483-æм бынат. «Эльбин» та - адæмы æвæрæнты хъахъхъæныны программæйы архайæг у. Закъонмæ гæсгæ, бавæрджытæн хъуамæ се `хца фæстæмæ радтой. Банк Эльбин 1993-æм азы байгом кодта Гамид Гамидов. Уый раздæр уыди Центрон банчы дагестайнаг хайады æмæ Сбербанчы регионалон хайады разамонæг. 1993-æм азы йæ равзæрстой депутатæй Паддзахадон думæмæ, 1996-æм азы та ссис Дагестаны финансты министр. Уыцы аз Гамид Гамидов фæмард, террористтæ министрады дуармæ рæмудзæн æрмæг кæй фехæлдтой, уый тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv