Цæгат Ирыстоны сцалцæг кæндызсты æбæрæгæй сæфт æфсæддонты 70 ингæны

Уый тыххæй нæ бæстæйы хицауады сæрдар Дмитрий Медведев бафыста 2019-2024 азты федералон программæ. Йæ ном «Увековечивание памяти погибших при защите Отечества»-зæгъгæ. Ацы хабары тыххæй хъусын кæнынц Уæрæсейы хицауады официалон сайты. Сæрмагонд программæ арæзт æрцыд Уæлахизы 75 азы юбилейы кадæн. Йæ бындурыл сæвæрдтой 5 млрд сомы, уыдонæй 4 млрды - федералон бюджеты фæрæзтæ сты. Æмткæй райсгæйæ, нæ бæстæйы цалцæггонд æрцæудзæн 10 мин хæстон цыртдзæвæнæй фылдæр. Сæвæрдзысты 6 мин зæрдылдарæн нысаны, хæстон ингæнты мемориалон фæйнæгтыл фыст æрцæудзæн 250 мин номы. Бафтаудзыстæм ма уый æмæ Уæрæсейы президент Владимир Путин Фыдыбæстæйы Стыр Хæсты чи фæмард уыдоны нæмттæ мысынæн, 2020 аз снысан кодта Намыс æмæ Номарæны Азыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv