«Командирские старты», зæгъгæ, æфсæддон ерысты дыккаг къæпхæн райдыдта Цæгат Ирыстоны

«Командирские старты», зæгъгæ, æфсæддон ерысты дыккаг къæпхæн райдыдта Цæгат Ирыстоны. Архайынц дзы Хуссар Æфсæддон зылды 58-æм æфсады командыгæнджытæ. Хистæр æмæ кæстæр афицерты 14 къорды. Æдыппæтæй 60 айдæмакæй фылдæр. Ерыс кæнынц Уæрæсейы хъахъхъæнынады министры кубок рамбулыныл. Хæслæвæрдтæм гæсгæ, æфсæддонтæ хъуамæ сæхи æнтыстджынæй равдисой Макаровы пистолетæй æхсынæй, тæхын æмæ ленк кæнынæй, уыимæ ма рог атлетикæйы фæлтæрæн сæххæст кæнынæй. Алы къорды дæр ис 6 адæймаджы. Уый куыд взводты, афтæ бригадты командиртæ. Ерысты хатдзæгтæм гæсгæ, Хуссар Æфсæддон Зылды иугонд командæ, 7 адæймагимæ, бацархайдзысты «Командирские старты»-йы 3-аг къæпхæны. Сараздзысты сæ Ростовы. Ацы ерыстæ ныр цæуынц 7-æм хатт. Сæ сæйраг хæс у - æфсæддоны цæттæдзинад сбæрæг кæнын æмæ æнæниз царды уаг парахат кæнын. Къордты иумæйаг æнтыстдзинæдты тыххæй куы дзурæм, уæд фæнысан кæнын хъæуы уый æмæ 291-æм артиллерийы бригад, куыд раздæрау, афтæ хорз бæрæггæнæнтæ æвдисы. Уый размæ цы ерыстæ цыдысты, уым иу 1 бынæттæ бацахстой. "Командирские старты" ерысты финал скæндзысты Мæскуыйы. Арахайдзæн дзы Хуссар Æфсæддон зылды иугонд командæ. Æнæуи, ерыстæ арæзт сты 4 къæпхæнæй - æфсæддон хайæдты, иугондты, æфсæддон зылдты æмæ стæй та Мæскуымæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv