Арæзтадон къабаз

Йæ цæрæнбынат æнæбары чи ныууагъта уыцы адæмæн баххуыс кæнынæн нæ республикæ райсдзæн 1 миллиард 800 милуан сомы. Уый фаронимæ абаргæйæ у 600 милуан сомæй фылдæр. Æхцайы фæрæзтæй 600 бинонтæ сæ цæрæнуæтты уавæр фæхуыздæр кæндзысты. Уый тыххæй ныхас кодтой республикæйы сæргълæууæг Битарты Вячеслав, хицауады сæрдары хæдивæг Икъаты Русланбег æмæ республикæйы арæзтад æмæ архитектурæйы министр Касаты Таймураз. Ивгъуыд азæн скодтой хатдзæгтæ, æрдзырдтой арæзтадон къабазы фидæныл дæр. Профилон ведомствæйы министр радзырдта республикæйы кæронмæ цы объекттæ арæзт не рцыд, уыдоны тыххæй. Битарты Вячеславы ныхæстæм гæсгæ, объекттæ цы уавæры сты, уый сбæрæг кæнын хъæуы цыбыр рæстæгмæ. Бæрнон кусджытæ æрныхас кодтой 2020-æм азмæ цы социалон объекттæ арæзт æрцæудзæн, уыдоныл. Объекттæ аразын хъæуы фыццаджыдæр адæмы курдиæттæ хынцгæйæ. Уæлдайдæр уый рабæрæг республикæйы цæрджытимæ фембæлдтыты рæстæг. Сайд кæуыл æрцыд, уыцы бирæфатерон хæдзæртты хицæуттæн та сæрмагондæй сарæзтой Хъесаты Астаны номыл уынджы бирæуæладзыгон хæдзар. «Плиты Иссæйы номыл уынджы та амайынц 32-фатерон хæдзар», - загъта Касаты Таймураз _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv