Цæгат Ирыстоны Паддзахадон университеты 2014 азæй нырмæ кусы ирайнаг культурон центр

Цæгат Ирыстоны Паддзахадон университеты 2014 азæй нырмæ кусы ирайнаг культурон центр. Йæ бындурыл ма гом æрцыдысты персайнаг æвзаджы курсытæ. Æрæджы ацы курсыты фæрцы студенттæн фæзынди фадат Иранмæ стажировкæ кæнынмæ ацæуын. Хъараты Агундæ ахуыр кæны Цæгат Ирыстоны Паддзахадон университеты историкон факультеты. Ныртæккæ ис магистратурæйы 2-курсы, востоковеденийы хайады. Йæхæдæг фæци экономикæ æмæ разамынды факультет, фæлæ уæлдæр ахуырад куы æвзæрста, уæд сцымыдис ацы дæсныйадмæ. Уыимæ ма йæ бафæндыди бацæуын персайнаг æвзаджы курсытæм. «Магистратурæйы куы ахуыр кодтон, уæд интернеты тыгъдады федтон хъусынгæнинаг ацы курсыты тыххæй. Цыбыр рæстæджы фæстæ сæм бацыдтæн. Раздæр мын тынг зын уыди. Фæлæ сæм фæстæдæр хуыздæр фæцалх дæн. Уый фæстæ та мæ арвыстой Иранмæ стажировкæмæ, цæмæй персайнаг æвзаг хуыздæр базонон, уый тыххæй», - ЦИПУ-йы историкон факультеты студенткæ Хъараты Агундæ. Ацы персайнаг æвзаджы курсытæ байгом сты ирайнаг культурæйы центры бындурыл 2014 азы. Кусын райдыдта Ираны минæварУæрæсейы Мехди Санаийы хъæппæрисæй. Ныридæгæн Иранмæ иу æмæ дыууæ ахырдзауы æрвыст не 'рцыдысты. Уыдоны æмрæнхъ ис Хъараты Агуындæ дæр. Уый æрæджы ссыди персайнаг мадæлон æвзаг кæмæн у, уыдоны бæстæйæ. Ныр та ахæм фадат фæзынд Мæхъиты Виталийæн дæр. Уый хъуамæ мартъийы мæй ацæуа Иранмæ. Мæхъиты Виталийæн ацы цымыдисаг æвзаг раздæр зын уыди ахуыр кæнын. Фæлæ йын ацы хъуыддаджы стыр æххуыс фæци йæ ахуыргæнæг. Æгайты Руслан ныр къорд азы дæргъы кусы ацы ирайнаг культурон центры сæргълæууæджы хæдивæгæй. Йæ ныхæстæм гæсгæ, ныртæккæ ахæм стажировкæтæ пайда сты студенттæн. Ныртæккæ историкон факультеты ис цалдæр хайады. Уыцы хайæдты студенттæн сæ кæцыдæр хай цæуы ацы центры курсытæм. Стажировкæ кæнынмæ чи ацæуы, уыдон та райсынц бирæ ног зонындзинæдтæ. Æвзаг хуыздæр базонынц. Уыимæ ма, æнгомдæр базонгæ вæййынц Ираны культурæимæ. Абон æрмæст цæгат Ирыстоны Паддзахадон студенттæн нæ, фæлæ ма кæй фæнды, уыдонæн дæр ис фадат бацæуæн ацы курсытæм. Кусынц къуыри дыууæ хатты, сты лæвар. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv