Пурти алкæй дæр уарзы

Республикæйы уæлдæр ахуыргæнæндæтты студенттæ сæ цæст дарынц федералон проект минифутболæй хъазынмæ. Бирæ горæтты дзы ныридæгæн парахатæй пайда кæнынц. Уæрæсейы алы къуымты арæх саразынц ерыстæ. Аразджытæ сæ зæрдæ дарынц, студентты æнæниздзинад хуыздæр кæй кæндзæн, ууыл. Радон ерыстæ уыдысты хæххон-аграрон университеты. Бабæрæг сæ кодта не сфæлдыстадон къорд дæр. Ивгъуыд сабаты нæ республикæйы уыдысты ерыстæ мини-футболæй. Сæ тыхтæ дзы фæлвæрдтой уæлдæр ахуыргæнæндæтты студенттæ. Æдæппæтæй 6 командæйы. Уыдонæй 6 нæлгоймæгты, 2-та сылгоймæгты. Тох кодтой Уæрæсейаг ерыстæм чи ацæудзæн, ууыл. Зæгъын хъæуы уый æмæ сылгоймæгты командæ турниры архайы 2-аг аз. Медицинон академийы командæйы тренер Реуазты Михаил: «Фарон ацафон мах фæхæрд стæм. Финалы хъазыдыстæм Хæххон Металлургон институты командæимæ. Бацахстам 2-аг бынат. Нæ ныфс дарæм – ацы аз фыццæгтæ кæй уыдзыстæм, ууыл». Медицинон академийы студенткæ Кудзаты Тамарæ йæ командæимæ сæхиуыл кусынц ахуырты фæстæ. Ахъазыдсты Хæххон агарарон университеты студенттимæ. Ерыстæ аразджыты ныхæстæм гæсгæ, кæд чызджытæ сты, уæддæр сын æнцондæр нæу. Хъазынц бæлвырд домæнтæм гæсгæ. Матч вæййы 40 минуты æмæ сæхи хорз равдисынц. Худгæйæ ма бафтауынц: «Цæмæй футболæй хъазай, уый тыххæй лæппуйæ райгуырын нæ хъæуы. Пурти алкæйдæр уарзы». Цæгат Ирыстоны физкультурæ æмæ спорты министрады консультант Алиты Тамерлан: «Ам архайынц нæ республикæйы уæлдæр скъолаты студенттæ. Куыд бафиппайдтам, афтæмæй Хæххон-Металлругон институты æмæ Хæххон-Аграрон университеты командæты хсæн зын хъазт вæййы. Алы командæ дæр хорз цæттæ.  Алкæйдæр сæ фæфæнды Уæрæсейы ерыстæм ацæуын». Хъазты карз домæнтæ нæй. Сæйрагдæр уый у, цæмæй футболисттæ фæаууонмæ ахуыр кæной, уый. Кæд профессионалон футболисттæ не сты, уæддæр хъазты фæзы сæ æнкъарæнтæ нæ сусæг кæнынц. Турниры аразджытæ ныфс дарынц ацы турнир спортуарзджытæн уарзон кæй суыдзæн, ууыл. Уымæн æмæ æнæниз цардыуагыл хæст чи у, уыдон нæ республикæйы бирæ сты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv