Ног гæнæнтæ

Республикæйы цæрджытæн хъуамæ фадат уа кардиохирургты æххуыс исынæн. Куыд? Уыцы фарстайыл дзырдтой Цæгат Ирыстоны сæргълæууæг Битарты Вячеслав æмæ Александр Бакулевы номыл медицинон центры минæвæрттимæ фембæлды рæстæг. Фембæлды ма архайдтой нæ республикæйы кардиологтæ æмæ æнæниздзинад хъахъхъæнынады министрады минæвæрттæ. Æмгуыстады руаджы нæ республикæйы цæрджытæн фадат уыдзæн зæрдæ æмæ дадзинты низты федералон центры дохтыртимæ консультацитæ кæнын, диагностикæ æмæ медицинон æххуыс райсын. Мæскуыйы центры специалисттæ цæудзысты Цæгат Ирыстонмæ æмæ кæсдзысты зæрдæйы низтæ кæмæ ис, уыцы пациенттæм. Ахæм æххуыс кæндзысты алы кары рынчынтæн, стæй ноггуырдтæн. Уыимæ ма иртасдзысты гуырдзæн дæй йæ зæрдæйы низтæ. Цæгат Ирыстоны æнæниздзинад хъахъхъæнынады министры ныхæстæм гæсгæ, раззагдæр технологитæм гæсгæ арæзт медицинон æххуыс ныр республикæйы цæрджытæн уыдзæн æнцондæр райсын. Михаил Ратманов: «Бирæ азты бастдзинæдтæ фидардæр кæнæм ацы медицинон уагдонимæ. Уырдæм операцитæ кæнынмæ арвитæм сæдæгаи пациенты, куыд сывæллæтты, афтæ хистæрты дæр. Абон бауынаффæ кодтам, цæмæй Бакулевы номыл медицинон центры кусджытæ нæ республикæйы консультацитæ куыд аразой. Дыууæ мæйы иу хатт цæудзысты республикæй рынчындæттæм. Уым æвзардзысты, раззагдæр технологитæм гæсгæ арæ зт медицинон æххуыс кæй хъæуы, уыцы пациентты». Хугаты Сослан:  «Нæ размæ æвæрæм ахæм нысантæ: зæрдæ æмæ дадзинты низтæй къаддæр адæм куыд мæлой, стæй ацы низтæй рынчын адæмæн сæ царды хъæрзхъæддзинад фæфылдæр кæнын. Абон æрныхас кодтам, зæрдæйы низтæй къаддæр адæм куыд рынчын кæной, уыцы мадзæлттыл». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv