Тускъаты Таймураз амыдта республикæйы Парламенты æмбырд
Сæрмагонд æфсæддон операцийы архайджытæ æмæ сæ бинонтæн материалон æххуысы хæрдзтæ 278 милуан сомы фæфылдæр кæндзысты. Ноджы 64 милуан сомы та ма радих кæндзысты цæрджытæй льготæтæм гæсгæ хостæ чи исы, уыдонæн. Депутаттæ абон кæронбæттæны æркасты сфидар кодтой ацы азы æмæ 2024-2025 азтæм республикон бюджетмæ ивддзинæдтæ бахæссыны закъоны проект. Æфтиæгтæ ацы азы 9 мæймæ систы 37 миллиард сомы. Паддзахадон хæс та - 9 миллиардæй чысыл фылдæр. Бюджетон хайады кусджытæн сæ мызд фæфылдæр кæныны тыххæй та снысан кодтой 551 милуан сомы. 128 милуан сомы бахардз кæндзысты социалон æххуысы алыхуызон хуызтыл. 34 милуан сомы та - æнæниздзинад хъахъхъæнынады фыццаг къæпхæн сног кæныныл. Æмткæй райсгæйæ æнæниздзинад хъахъхъæнынады министрадæн цы фæрæзтæ радих кодтой, уыдон фæфылдæр уыдзысты 260 милуан сомы бæрц. Скъолаты бындурон цалцæг фæуынæн та ма уæлæмхасæн рахай кæндзысты 53 милуан сомы. Республикæйы сæргълæууæг æмæ хицауады фæстауæрцгæнæн фонд дæр фæфылдæр уыдзæн 100 милуан сомы бæрц. Муниципалон скондтæ та уæлæмхасæн райдзысты 68 милуан сомы.
Сæрмагонд æфсæддон операцийы архайджытæ æмæ сæ бинонтæн материалон æххуысы хæрдзтæ 278 милуан сомы фæфылдæр кæндзысты. Ноджы 64 милуан сомы та ма радих кæндзысты цæрджытæй льготæтæм гæсгæ хостæ чи исы, уыдонæн. Депутаттæ абон кæронбæттæны æркасты сфидар кодтой ацы азы æмæ 2024-2025 азтæм республикон бюджетмæ ивддзинæдтæ бахæссыны закъоны проект. Æфтиæгтæ ацы азы 9 мæймæ систы 37 миллиард сомы. Паддзахадон хæс та - 9 миллиардæй чысыл фылдæр. Бюджетон хайады кусджытæн сæ мызд фæфылдæр кæныны тыххæй та снысан кодтой 551 милуан сомы. 128 милуан сомы бахардз кæндзысты социалон æххуысы алыхуызон хуызтыл. 34 милуан сомы та - æнæниздзинад хъахъхъæнынады фыццаг къæпхæн сног кæныныл. Æмткæй райсгæйæ æнæниздзинад хъахъхъæнынады министрадæн цы фæрæзтæ радих кодтой, уыдон фæфылдæр уыдзысты 260 милуан сомы бæрц. Скъолаты бындурон цалцæг фæуынæн та ма уæлæмхасæн рахай кæндзысты 53 милуан сомы. Республикæйы сæргълæууæг æмæ хицауады фæстауæрцгæнæн фонд дæр фæфылдæр уыдзæн 100 милуан сомы бæрц. Муниципалон скондтæ та уæлæмхасæн райдзысты 68 милуан сомы.