Культурæйы хæзна

2020-æм азмæ культурæ æмæ туризмы рæзты паддзахадон программæйы фæрцы та нæ республикæйы аивады хаймæ фылдæр æхцайы фæрæзтæ бахæсдзысты. Уæрæсейы Хицауады сæрдар Дмитрий Медведев бафыста 2019-æм азæй 2021-æм азтæм регионтыл субсидитæ адих кæныны тыххæй бадзырд. Фæрæзтæ хардзгонд æрцæудзысты цалдæр бæстыхайы сцалцæг кæныныл. Се хсæн - Дзæуджыхъæуы Национ музей. Федералон бюджеты программæйы хæрдзтæн æвæрд æрцыд æмткæй райсгæйæ 3 милуан æмæ 161 мин сомы. Уæ зæрдыл уын æрлæууын кæндзыстæм, национ музейы рацарæзт ныр 3 азы кæй цæуы. Куыстытæ цæуынц къæпхæнгай. Сæ фыццаг хай фæци. Проект кæронмæ арæзт æрцæудзæн хæстæгдæр рæстæг. Фæлæ, дзы ныридæгæн дæр аивадуарзджытæй къух бакæнæн нæ вæййы. Адæм цæуынц реставрацигонд бæстыхæйттæ æмæ рагон дзаумæттæ фенынмæ. Ныртæккæ равдыстыты залты ис национ музейы æмæ Цæгат Ирыстоны паддзахадон университеты экспонаттæ. Ис дзы сæрмæтты æмæ аланты культурæ æвдисæг дзаумæттæ, археологтæ кæй ссардтой, ахæм зынаргъ згъæртæ æмæ дзаумæттæ, стæй алайнаг культурæйыл нывгæнджытæ цы куыстытæ скодтой, уыдон. «Ахсджиаг хъуыддаг у ацы аз национ музейы зæронд корпус кæй рацараздзыстæм уый. Культурон нысаниуæг кæмæн ис ахæм цыртдзæвæныл æй банымадтой. Аххсджиаг ма уый у æмæ национ музейы ног бæстыхайы дыууа уæладзыгыл дæр экспозицитæ кæй срæвдз уыдзысты уый», - РЦИ-Аланийы национ музейы директоры хæдивæг Мамиаты Михаил. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv