Æнусон юбилей

Дзæуджыхъæуы сбæрæг кодтой Уæрæсейы цæрджыты хъахъхъæнынады системæйы 100 азы бон. Юбилейы кадæн ирон театры уыд бæрæгбоны концерт. Йæ саразыныл бакуыста Цæгат Ирыстоны фæллой æмæ социалон рæзты министрад. Концерты агъоммæ социалон кусджытæн раарфæ кодтой республикæйы хицауады сæрдар Тускъаты Таймураз æмæ иннæ бæрнон кусджытæ. Куыд бафиппайдтой, афтæмæй къабазы куыст ахадгæ æмæ хъæугæ у. Бирæ адæмæн циндзинад æмæ æнцойдзинад кæй хæссынц, уый тыххæй сæ бирæтæ бузныг сты. Социалон къабазы хуыздæр кусджыты схорзæхджын кодтой кады гæххæтытæй. Республикæйы зарæггæнджытæ, сфæлдыстадон æмæ театралон къордтæ социалон кусджытæн равдыстой сæ хуыздæр концертон номыртæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv