Субсидитæ æви кредиттæ?

Цæгат Ирыстоны хицауад æххуыс кæны амалхъом адæмæн. Зæгъæм, раздæр республикæйы экономикæйы рæзты министрад субсидитæ лæвæрдта паддзахадон æххуысы хуызы. Фæлæ нырæй фæстæмæ уыцы системæ аивдзæн. Паддзахад дарддæр дæр амалхъом адæмææн æххуыс кæндзæн, фæлæ æндæр хуызы. Бæлвырдтæр нæ уацхæсджыты æрмæджы. Мамайты Сергей дохтырæй рагæй кусы. Зæрдиагæй дзуры иу ранæй иннæ ранмæ æнцонæй рахæссæн цы УЗИ аппарат ис, уый тыххæй. Кæд æмæ стыр нæу, уæддæр медицинон уагдæтты чи ис, уыдонæй дæлдæр нæ лæууы. Ног кусæнгарз медицинон иртæстыты клиникæйы æрæджы фæзынд, фæлæ йæ куыстæй иууылдæр разы сты. Узи аппаратыл диагностикæгæнæг дохтыр Мамайты Сергей: «Хæсгæ аппарат дан у 50 у хæрзхъæд æмæ фадат дæтты дадзинтæм кæсын æмæ сæ дуплексон æмæ триплексон бæрæггæнæнтæ базонын, туг дадзинты куыд тагъд згъоры, уый сбæрæг кæнын æмæ атеросклеротикон ивддзинæдтæ раиртасын». Зынаргъ медицинон кусæнгарз балхæнын медицинон уагдонæн сæхи бон нæ уыд.  Рынчынтæм сæ хæдзæрттæм цæугæйæ та арæх бахъæуы. Тынг пайда у. Пациентмæ, æнæмæнг, хъæуы УЗИ аппаратимæ цæуын. Ныр дохтыртæн дзæвгар æнцондæр у. Рынчынтæн дæр тагъддæр баххуыс кæнын сæ бон у. Нырыккон аппарат балхæнынæн спайда кодтой паддзахадон æххуысæй. Хадаты Георгий у амалхъом адæймаг. Паддзахадæй райста æххуыс йæхи хъуыддаг срæзын кæнынæн – 1,5 милуан сомы субсиди. Ныридæгæн сарæзта фермæ 506 сæрæн. Бæстыхай у цæттæ, æппæт хъæугæ кусæнгарз дæр дзы ис. Фæлæ цæмæй фос балхæна, уый тыххæй йын æхца нæ фаг кæны. Фермер йæ зæрдæ дары, хицауад та йын кæй баххуыс кæндзæн, ууыл. Нæ республикæйы экономикон рæзты министрады куыд зæгъынц, афтæмæй субсидитæ дæттыны системæ ахсджиаг нал у. Ныртæккæ паддзахад амалхъом адæймæгтæн æххуыс кæндзæн ног фæткмæ гæсгæ. РЦИ-Аланийы экономикон рæзты министрады амалхъом адæймæгтæн æххуысы хайады сæргълæууæг Цæболты Отар: «Федералон æмвæзадыл ацы æххуысы фæтк нал кусы. Æмæ æппæт паддзахадон æххуыс дæр хизы æхцайы фæрæзтæ фæстæмæ фидын кæм хъæудзæн, ахæм куыстмæ - ома, кредиттæ, льготæты хуызы дæттынмæ. Ныхас цæуы къаддæр проценттæ фидыныл, регионалон организацийæ æнæмæнг æххуыс райсыны тыххæй. Ома банкмæ курдиат бадæттгæйæ, организаци хъуамæ æхцайы ныхмæ исты исбон ныууадза». Паддзахадон æххуысы ног системæ йæхи куыд равдисдзæн, уый бæрæг нæма у. Фæлæ амалхъом адæймæгтæ цæттæ сты æмæ цымыдисæй æнхъæлмæ кæсынц ивддзинæдтæм. Арæх Ногдзинæдтæ амалхъомдзинады рæзтæн фылдæр фадæттæ байгом кæнынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv