Цæйдæр уацары чи бахауд ахæм адæмæн баххуыс кæныны ног методтыл æрдзырдтой семинары Дзæуджыхъæуы

Цæйдæр уацары чи бахауд ахæм адæмæн баххуыс кæныны ног методтыл æрдзырдтой абон семинары Дзæуджыхъæуы. Лекциимæ раныхас кодта зындгонд специалист Санкт-Петербургæй Андрей Зыков. Æртæ боны чи цæудзæн уыцы семинар сарæзта Республикон наркологон диспансер. Мадзалы архайджытæ фæсивæды социализайы центр, социалон-комплексон центрты специалисттæ æмæ наркодиспансеры кусджытæ. Æрныхас кодтой адæм уацары цæй тыххæй бахауынц, уый аххосæгтæ. Куыд сын ис баххуыс кæнын. Æрыгон фæлтæримæ æнæмæнг кæй хъæуы профилактикон куыст кæнын уый. Наркомани æмæ алкоголизм канд Уæрæсейы нæ, фæлæ ма æппæт дунейы дæр нымад сты æппæты риссагдæр фарстатæ. Æрмæстдæр наркологы, психиатры æмæ æндæр специалистты комплексон куыст фæрцы ахæм адæмы уавæр ис фæхуыздæр кæнын, - фæнысан кодта специалист Санкт-Петербургæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv