Дзæуджыхъæуы сараздзысты бæрæгбоны армукъа

Æмæ ма ацы темæмæ – уæлæфтуан. Дзæуджыхъæуы байгом уыдзæн хъæууонхæдзарадон армукъа. Æртынæм декабры бæрæгбоны кадæн кусын райдайдзæн Æрхонкæмæ фæндагыл базарадон рæнхъыты цур. Цæгат Ирыстоны хъæууон хæдзарады министр Уазиты Хъазыбег куыд радзырдта, афтæмæй дзы сæ продукци равæрдзысты æппæт регионты минæвæрттæ дæр. Уыдзысты æртын куыстуаты бæрц. Цы товар дзы уыдзæн, уыдон базары æргътæй уыдзысты фынддæс-дыууын проценты къаддæр. Фæлхасгæнджытæн сæ бон балхæнын уыдзæн дзидза, æйчытæ, мыд, кæсæгтæ, дыргътæ, халсартæ æмæ æндæр продукттæ. Хъæууон хæдзарады кусджытæ дзы цы бынæттæ бацахстой, уыдонæн сæ æхца фидын нæ хъæудзæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv