Цæгат Ирыстоны скъоладзаутæ сæрдыгон улæфæн бонты кусынц цæстдарджытæй

Цалынмæ иуæй-иу скъоладзаутæ сæ каникултыл цин кæнынц, уæдмæ иннæтæн та улæфты бон дæр нæй. Уыдон сæ сæрдыгон фæлладуадзæн рæстæг æрвитынц пайдаимæ. Бавдæлдысты, æмæ кусынц сабитæм цæстдарджытæй. Ногиры скъолайы ацы дæсныйады кæй бафæндыд кусын, ахæмтæ разынд цыппар. Æдæппæтæй та хъомылгæнæг-цæстдарæг суæвын бафæндыд сæдæгай ахуырдзауы, нæ республикæйы алы районтæй. Куысты размæ сæ алчидæр ацыд сæрмагонд ахуыртæ. Зонгæ сæ кодтой сывæллæтты зондахастимæ. Æнæнхъæлæджы уавæры хи куыд дарын хъæуы, уый дæр сын бамбарын кодтой. «Классный вожатый», зæгъгæ, афтæ хуыйны Цæгат Ирыстоны наукæ æмæ ахуырады министрады проекты иу къабаз. Дзæуджыхъæуы æмæ районты 14 скъолайы дзы архайынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv