Золойты Хъазыбегæн саккаг кодтой уæрæсейы физикультурæйы сгуыхт кусæджы ном

Цæгат Ирыстоны уæззау атлетикæйы иугонд командæйы хистæр тренер Золойты Хъазыбегæн Уæрæсейы Президенты уынаффæмæ гæсгæ саккаг кодтой Уæрæсейы физикультурæйы сгуыхт кусæджы ном. Кадджын хæрзиуæг ын лæвæрд æрцыд, бирæ азты дæргъы фæллой, спорт æмæ физкультурæйы рæзтмæ стыр æвæрæн кæй бахаста, уымæ гæсгæ. Номдзыд спортсмены схорзæхджын кодта нæ республикæйы сæргълæууæг Битарты Вячеслав. Куыд фæбæрæг кодта, афтæмæй ивгъуыд аз хъæздыг уыд спортивон æнтыстдзинæдтæ æмæ уæлахизтæй. Æнæ тренерты æххуысæй спортсментæн ахæм бæрзæндтæм схизын кæй нæ бантыстаид, уый фидарæй загъта Битарты Вячеслав. Золойты Хъазыбегæн арфæйы ныхæстæ ракодтой, йæ хъомылгæнинæгтæ канд нæ республикæ нæ, фæлæ Уæрæсейы кад  уæлдæр кæй кæнынц, уый фæдыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv