Уæрæсейы чемпионаты Цæгат Ирыстоны ветеранты командæ æнтыстджынæй бацархайдта

Цæгат Ирыстоны ветерантæ æнтыстджынæй бацархайдтой Уæрæсейы чемпионаты уæгъдибар хъæбысхæстæй. Ерыстæ уыдысты Дзержинскийы горæты. Турниры цæгатирыстойнаг богалтæ систы 3 сыгъзæрин, 2 æвзист æмæ 1 бронзæ майданы хицæуттæ. Уæлахиздзаутæ дарддæр архайдзысты дунеон чемпионаты, Тбилисийы. Цæгат Ирыстоны уæгъдибар хъæбысхæсты федерацийы, гауызы дæсныты президент Дряты Хазби куыд зæгъы, афтæмæй Уæрæсейы æмæ дунеон чемпионатты архайын кæй фæнды, уыцы богалттæ бирæ сты. Фæлæ се `ппæтæн уыцы фадат нæ вæййы. Фæнысан ма кæндзыстæм Уæрæсейы чемпионаты уæлахиздзауты: Къусраты Алан, Куыдзаты Хъазыбег æмæ Остъаты Гамлет систы сыгъзæрин майданы хицæуттæ. Æвзист майданæй фæнысан кодтой Хъайттаты Асланы æмæ Дряты Хазбийы. Бронзæ майдан рамбылдта Хъæсмæзты Станислав. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv