тускаев

Инвестицион проекттæ хъуамæ хорзы рдæм фæбæрæг уой республикæйы социалон-экономикон райрæзтыл. Уый тыххæй фехъусын кодта Тусъкаты Тамураз. Инвестицион проекттæ куыд æххстгонд цæуынц, ууыл ныхас кодта хицауады уæнгтимæ. Экономикон райрæзты министры хæдивæг Дзоблайты Зураб куыд радзырдта, афтæмæй ныртæккæ Цæгат Ирыстоны кусынц 5 инвестицион проектыл. Хауынц хъæууон хæдзарад æмæ туризмы къабæзтæм. Тускъаты Таймураз куыд фæбæрæг кодта, афтæмæй алы районы дæр кусы сæрмагонд къамис, уыдон цæст дарынц проектты рæзтæ æмæ сæ куыд æххæст кæнынц, уымæ. Муниципалитетты хæс у бынæттон цæрджытæн куысты бынæттæ амал кæнын. Æмбырды æрныхас кодтой 2020-æм азы паддзахадон æххуыс райсынмæ цы проекттæ æнхъæлмæ кæсынц, уыдоны тыххæй. Афтæмæй нæ республикæйы хъуамæ саразой хъæууон хæдзарады техникæйы центр æмæ гидро-электро станцæ Урухы. Уый тыххæй профилон министрад ныртæккæ цæттæ кæны хъæугæ гæххæтытæ, арвитдзысты сæ Цæгат Кавказы хъуыддæгты фæдыл министрадмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv