26-æм августы Хуссар Ирыстоны сбæрæг кæндзысты республикæйы Хæдбардзинады бон

26 -æм августы Хуссар Ирыстоны сбæрæг кæндзысты республикæйы Хæдбардзинады бон. Куыд æрвылаз, афтæ ацы аз дæр ахсджиаг бæрæгбонмæ æрæмбырд уыдзæн бирæ адæм дунейы алы бæстæтæй. Уый тыххæй хъусын кæнынц Хуссар Ирыстоны Культурæйы минитрадæй. Уазджытæн сараздзысты экскурситæ, радзурдзысты сын, 11 азмæ республикæйы цард куыд аивта, уый тыххæй. Сæрмагондæй, Хетæгкаты хъæуы ацæудзæн «Наследие предков», зæгъгæ, этнографион бæрæгбон. Цхинвалы сæйраг стадионы бæрæгбонмæ уыдзæн арæзт концерт. Программæйы кæронбæттæн барæсугъд кæндзысты аив фейерверкæй. Хæдбардзинады бон сбæрæг кæндзысты Хуссар Ирыстоны районты дæр. Ирон зарæггæнджыты концерт уыдзæн 25 августы Ленингоры районы. 22 æмæ 23 -æм августы та районты сфæлдыстадон къордты концерттæм бакæсæн уыдзæн Ленингоры æмæ Цъинагары хъæуы. Знауыры æмæ Цхинвалы районтæ дæр архайдзысты бæрæгбоны мадзæлтты. Уæ зæрдыл уын æрлæууын кæндзыстæм, 2008 азы 26 августы уæды президент Дмитрий Медведев Хуссар Ирыстон банымадта хæдбар паддзахадыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv