Абон Советон Цæдисы хъæбатыр Мамсыраты Хаджумары райгуырды боныл æххæст кæны 116 азы

Абон Советон Цæдисы хъæбатыр Мамсыраты Хаджумары райгуырды боныл æххæст кæны 116 азы. Йæ ном æрмæст нæ республикæйы хъуыстгонд нæу. Инæлар-булкъон Мамсыраты Хаджумарæн, дунеон историйы йæ ном сызгъæрин дамгъæтæй фыст æрцыд. Хæстонтæн у дæнцæгæн хæссинаг. Йе сгуыхтдзинæдты кой абон дæр ма кæнынц, йæ номæн та æмбæлгæ кад. Финляндийы, Испанийы æмæ Уæрæсейы адæм фæлтæрæй-фæлтæрмæ. Йе сгуыхтдзинæдтæ ныр дæр ма æрыгон æфсæддонтæн æмæ фæсивæдæн сты фæзминаг. Бирæты фæнды йæ хуызæн суæвын, фæлæ куыд фæзæгъынц - ахæм лæггæдтæ æнусты дæргъы стæм хатт гуырынц. Хæстоны курдиат та сын Хуыцауæй лæвæрд вæййы. Мамсыраты Хаджумар хорзæхджын у Ленины æртæ орденæй, Сырх тырысайы 5 орденæй, Михаил Кутузов æмæ Александр Суворовы номыл ордентæ æмæ æндæртæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv